طريقة عمل شوربة Seafood
شوربة السى فود من الماكولات الجميلة والمفيدة والغنية بالفسفور وسهلة الطهى والاعداد اليكم سيدات سادتى طريقة الاعداد والمقاديرالمقادير:
حوالي 350 جرام بحريات مشكلة من"سوبيا او كالماري "حبار البحر" +جمبري متوسط +سمك فيليه " وتقطعيهم مكعبات متوسطة ماعدا الجمبري طبعا 1 حبة جزر مقطع مكعبات صغيرة
1 حبة بصل مقطعة مكعبات صغيرة
كوب ماء
كوب لبن "حليب"
كوب مرقة "شوربة" لحمة او فراخ
نصف كوب كريمة لباني طهي
2 ملعقة كبيرة دقيق
كزبرة وشبت وبقدونس مقطعين صغير
توابل "ملح-فلفل اسود"
شوية زيت ذرة
طريقة تحضير Seafood :
1-في طاسة هحط شوية زيت صغيرين واضيف عليهم البحريات المقطعه واسيب النار عاليه ومهديهاش خالص 2-هنلاقي البحريات نزلت مايتها هسيبها لحد ماتشرب مايتها خالص وهاضيف شوية ملح وفلفل اسود واقلب وكده بقت تمام اطفي عليها واتركها علي جنب لحد ما استخدمها والخطوة دي اسمها تشويح البحريات ..وبعدين بحهز شوربتها
3-في حلة..هاضيف شوية زيت صغيرين واضيف عليهم البصل واقلب لحد ما يدبل يعني 3 دقايق كده يدوب تدبل بس ميتغريش لونها
4-هاضيف عليه الجزر وشوية واضيف عليه الملح والفلفل الاسود واقلب 3 دقايق وبعديها بضيف عليه الدقيق
5- اهدي النار عشان ميتحرقش واقلب دقيقين كده لحد ما ريحة الدقيق النىء تختفي ياخد لون دهبي فاتح
6-وبعديها اضيف عليه الماء والحليب والشوربة والكريمة
7-واول ما تغلي..اضيف لها البحريات اللي شوحنها ف الاول..واسيبها تغلي كده 5 دقايق واظبط الملح
8-وبعد 5 دقايق اضيف عليه الكزبرة الخضراء والشبت ونطفي ع النار ع طول ..وبالهنا والشفا ....
المشاركات
0 التعليقات:
إرسال تعليق