رسالة من زوجة مفروسة

 

رسالة من زوجة مفروسة

عزيزي الزوج

. عايزه اقولك كلمتين محشورين في زوري سوري اقصد في قلبي

 الست اللي انت روحت بيت اهلها دي و اتجوزتها  اهلها كانوا بيأكلوها و يشربوها و يودوها تصيف كمان و تصدق كان ليها اوضه لوحدها ... و سرير ... و دولاب و كانت ليها كمان تسريحه بتقف ادامها نص يومها من غير ما حد يطلب منها حاجه و كان ليها صاحبات و كمان ابن الجيران كان بيحبها . و زميلها في الجامعه برده كان بيحبها .. و دكتور الأسنان كان نفسه يتجوزهاعادي يعني كانت بني ادمه من غيرك طبيعيه مش ناقصها اي حاجه ما كنتش مستنيه سيادتك تجيبلها كل ده ... و لا كان ناقصها وقفه المطبخ .. و النزول للشغل عشان تساعدك .. و لا عيال بتعيط و تكسر .. و لا سرير مش عارفه تتهنا عليه منك و من عيالك خالص 

تصدق بعد كل الوهم اللي انت عايش فيه انك عملتلها اللي ما يتعملش ... انت حتي ما عرفتش تكملها اللي ناقصها .... و كمان حرمتها من حضن ابوها ... و حضن أمها .. و دلع أخوها .. و الضحكه مع صحابها .... و مرايتها و لعبها .. و خروجتها و جنونها انت جيت حجمتها .. و بقيت محور حياتها ايه يا شيخ .. ايه يا شيخ بقا .. ده القوي فيه اللي أقوي منه ودى يوميات زوجة مفروسة
احنا بس سيدتى بنحب نهدى النفوس