خطوات علاقة البنت بالولد

خطوات علاقة البنت بالولد

 بتبدأ المشاعر بين البنت والولد

بمشاعر ملتهبة وكل واحد حاسس انه ماسك

السما وان حبيبه ده مالي عليه الدنيا والي فيها 

شويا كده وتلاقي الدنيا هديت كده والبنت بقت وزيها زي

قلتها
طيب ايه السبب ولا في ايه ولا هي على

راي المثل " الغربال الجديد بيكون ليه شدة " 

اسئلة بتدور في دماغ الكتير من الشباب والشابات

يعني في الأول كده بيكون كل واحد حريص ميقولش

اي شي يزعل الطرف التاني وبيدق قوي على كل كلمة

بتتقال وشويا شويا لما بياخدوا على بعض بتلاقي كلام

بيتحدف متعرفش منين عادي بقى بعدين في الاول

تلاقي ايه الرنات شغالة على ودنه لما يصحوا يرنوا

لبعض ولما ياكلوا يرنوا لبعض ورن على الفاضي

والمليان وهب هب تلاقي ايه يدوب رنه في الصبح يرد

عليها في العشا والسلام
في الوقت ان الاستاذ او الاستاذة

لو واحدة صحبتها رنت عليه بترد الرنة في السريع يعني

دوام الحال من المحال في الاول كل واحد بيطمن على

اهتمامات التاني بعد يومين وبتاع تلاقي كل واحد ازيك 

عامل ايه اخبارك سلام سلام ميعرفش ان ده جزء من

شخصية الانسان الي بيحبه لا ازاي ايه الي يخليه يوجع

دماغ والله كتر خيره انه بيسال في الاساس احنا هننهب 

ولا ايه كمان مافيش اي طرف بيهتم بيسال كل فترة

الطرف التاني ايه الاشياء الي بتزعلك مني علشان

يحاول يتجنبها بيبقى بس مهتم بنقض الطرف الاخر

وبس من غير ما يعرف راي الطرف التاني فيه 

وايه الي بيزعله محتاجين نقف كل فترة ونعرف ايه

الي بيزعل الطرف التاني مننا ويرجعوا في الاخر

كل واحد يحط ايه على خده ويقول اين ذهب الحب

وكتير منهم شايفين ان الحب كدبة كبيرة

ماهو هو فعلا كده اصل مافيش حاجة اسمها حب

وبس الحب حاجات كتيرة مش لمسة ايد وضمة صدر

ونظرة عين الحب اكبر كتيير
الحب مش انانية ومش

امتلاك الحب اكتر من كده كتير بس مين يقدر ويفهم