مرة مجموعة من الازواج كانوا قاعدين مع بعض و معاهم رجل عرف بتدينه ووسطيته و حكمته
وكانوا بيتكلموا عن حق الزوجة على زوجها و انهم مضهدين و زوجاتهم مش بيراعوهم على الوجه الاكمل .
فبصلهم الرجل الحكيم ده وقالهم يعني انتوا ازواج مثالية و المشكلة في زوجاتهم
كلهم تقريبا اجمعوا على ان الاجابة ايوه . احنا مش مقصرين في حاجة
قام الرجل الحكيم قالهم .. كل واحد دلوقتي يطلع الموبايل بتاعه و يبعت رسالة لمراته يقولها فيها كلمة واحدة .... بحبـــــــك
و خلينا نشوف ردود الافعال
فعلا كل زوج نفذ الي نصحه بيه الرجل الحكيم ...
وبعد اقل من دقيقة المكان كله رن بالموبايلات و النغمات المختلفة
وكل واحد مراته بتتصل بيه على التليفون
الي تقوله ... انا مش مصدقة انك اخيرا حسيت بيا و قولتلي كلمة حلوة
و الي تقوله .. انت مالك النهاردة انت كويس
و الي تقوله نهارك مطين بطين . باعت الرسالة دي بالغلط طبعا . كنت باعتها لمين .. اعترف
و الي تقوله ... طبعا الموبايل ده مسروق من جوزي وانت الي سرقته و بتلعب فيه
الخ الخ الخ
وبعد ما خلصت المكالمات و الازواج بطلو ضحك من ردود افعال زوجاتهم
بصلهم الرجل صاحب الاقتراح و قالهم
عاوز تملك قلب مراتك .. عليك بالكلمة الطيبة و المعاملة الحسنة . لو انت بادرت .. هتلاقي معاك ملكة متوجه كل هدفها اسعادك .. حتى اخر العمر
اعيدوا التفكير في مواصفات الرجل المثالي
المشاركات
0 التعليقات:
إرسال تعليق