تعرف علي الفرق بين الكيراتين - البروتين - البروكيراتين - الكريستال - الكولاجين - البوتكس - النانو ؟؟

تعرف علي الفرق بين الكيراتين - البروتين - البروكيراتين - الكريستال - الكولاجين - البوتكس - النانو ؟؟

اولا : الكيراتين

هو المكون الاساسي للشعر وبيتم استخراجه من نباتات وهو ماده طبيعيه بتتعمل بطريقه معينه تعوض الشعر عن الكيراتين المفقود وفايدتها علاج للشعر من التقصيف والهيشان وبتخلى الشعر اطري وانعم وبتغلف الشعر وبتحفظه من العوامل المحيطه.

ثانيا : البروتين

الكيراتين معناه هو البروتين المكون الاساسي للشعر وبدات الشركات المنتجه للكيراتين بوضع مواد اضافيه للشعر من ضمنها البروتينات اضافه للكيراتين بتخلى المنتج علاجي اكتر بس فى ملحوظه هااااااامة جدااااااا لازم البنات تعرفها وهي ان مفيش حاجه اسمها كيراتين وبروتين وان البروتين احسن من الكيراتين لانه علاجي المعلومه دي غلط واللى ابتدعها مركز تجميل مشهور من خلال دعايه وترويج للبروتين على انه منتج جديد مختلف عن الكيراتين والهدف الربح بشكل مبالغ فيه خصوصا بعد انتشار الكيراتين بالفورمالين ..

ثالثا : البروكيراتين

هو عباره عن بروتين + كيراتين .. ونوضح ليه علاجي ؟؟!! لانه بيحتوي على خام كيراتين اى نسبة كيراتين خام مكثفه فى المنتج بالاضافه لاحتوائه على بروتينات اضافيه تزيد نسبة العلاج والنعومه للشعر ونبقي استفدنا اننا رجعنا للشعر نسبة الكيراتين المفقوده بالاضافه لبروتينات اضافيه تزيد من نسبة العلاج وبيتم غسله فى نفس اليوم بعد ساعة فقط من انتهاء الجلسة

رابعا : الكريستال

بعد الترويج للبروتين على انه احدث من الكيراتين وبسعر اعلى اصبح هناك المجال للعديد من ابتداع اسماء بهدف الترويج لها بأنها مميزه عن الكيراتين ولكن الكريستال هو عبارة عن كيراتين بيحتوي على الفورمالين ولا توجد به اى ميزه اضافيه او علاجية.

خامسا : الكولاجين

قبل اى شئ البنت لازم تعرف ان تكوين الشعر الرئيسي هو الكيراتين وهي الماده اللى الشعر بيفتقدها وبالتالى اساسي لما نعمل علاج نرمم الشعر ونرجعه لوضعه الطبيعي يبقي العلاج بالكيراتين وبعض الشركات بتضيف الكولاجين كماده مساعده فى العلاج خصوصا للشعر الهايش والجاف ونتجته اكثر من رائعه .. ولكن لا نفضل استخدام الكولاجين بشكل فردي بدون الفورمالين لعده اسباب , الاول انه مش الماده الاساسيه فى تكوين الشعر والسبب التاني انه بيستمر مده قصيره جدا متوسط 4 اسابيع والسبب الاخير انه لو مش اتعمل لشعر محتاجه ممكن يجهد الشعر ويؤثر عليه سلبيا.

سادسا : البوتكس

عباره عن كيراتين مضاف اليه بعض المواد ( بمفهوم البوتكس ) ويعتبر مناسب للشعور الخفيفه الضعيفه لانه بيعطي نتيجه رائعه فى اعطاء الشعر مظهر رائع صحي بالاضافه لـ (فوليوم ) للشعر ولكن يوجد منه انواع رديئه غير اصليه تحمل نفس الاسم مضره بالشعر والنوع الاصلى خالى من الفورمالين نهائي.

سابعا : النانو

يطلق اسم النانو على تكنولوجيا فى تصنيع الكيراتين تسمي النانو تكنولوجي وهي ان الكيراتين يصنع بجزيئات صغيره جدا جدا جدا تساعد على نتيجه افضل وخصوصا لحالات الشعور الخفيفه الرفيعه الناعمه الفيرجن.